МУИС-ийн 2011-2012 оны хичээлийн жилийн өвлийн элсэлт эхлэж байна. МУИС-ийн магистр, докторын сургалтанд элсэхийг хүсэгчдийг 2011 оны 12-р сарын 26-наас 2012 оны 1-р сарын 20-ны өдрийг хүртэл онлайн http://burtgel.num.edu.mn (зөвхөн Windows Explorer-оор орохыг анхааруулъя ) хаягаар бүртгэж, 2012 оны 1-р сарын 20-30-ны өдрүүдэд МУИС-ийн 1-р байрны 320 тоот өрөөнд ажлын цагаар ирж бүртгэлээ баталгаажуулна.
МУИС-ийн бүрэлдэхүүн сургуулиудын 2011-2012 оны хичээлийн жилийн өвлийн элсэлт авч, сургалт явуулах чиглэлийг эндээс харна уу. Анхааруулахад эдийн засаг, бизнесийн удирдлага, эрх зүй, сэтгэл судлал, сурган хүмүүжүүлэх ухаан мэргэжлээр элсэлт авахгүй.
Хүндэтгэх шалтгаанаар онлайн бүртгэлд бүртгүүлээгүй хүмүүс бүртгэл баталгаажуулах хугацаанд биеэр ирж бүртгүүлж болно.
Магистр, докторын сургалтанд элсэхээр бүртгүүлэгчид бүртгэл баталгаажуулалтанд ирэхдээ дараах материалыг бүрдүүлсэн байна. Үүнд:
- Иргэний үнэмлэх
- Төрийн албан хаагчийн анкет буюу 1-р маягт бөглөсөн байх
- 2% цээж зураг /Цээж зургаа цагаан цайвар фонтой, бараан өнгийн хувцастайгаар авахуулсан байна./
- Сургалтанд элсэхийг хүссэн тухай өргөдөл,
- Өмнөх шатны сургалт дүүргэсэн диплом гэрчилгээ, хавсралтыг хуулбарын хамт,
- Элсэлтийн хураамж 10,000 төгрөг төлсөн баримт /МУИС-Захиргаа, Хадгаламж банк, Данс: 10600000323, тушаагч өөрийнхөө овог нэр, бүрэлдэхүүний ямар сургуульд, ямар чиглэлээр суралцахаа тодорхой бичнэ/
- Байгууллагын гэрээгээр сурах, эсвэл байгууллагын зардлаар сурах бол тухайн байгууллагын албан бичиг
Бүртгүүлэгчдээс мэргэжлийн болон англи хэлний шалгалт авч, тодорхой болзол биелүүлсэн тохиолдолд элсүүлнэ.
Холбоо барих хаяг: Их сургуулийн гудамж- 1, Хичээлийн 1-р байр,
өрөө: 218, 219, 320 Утас: 976-11-311352, 7730-7730-1121, 7730-7730-1162, 9503-8408
Вэб: http://graduate.num.edu.mn И-мэйл:
Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй.
